“Жиззах вилояти ҳуқуқни муҳофаза қилувчи органлар ходимлари одам савдоси билан боғлиқ жиноятни фош этди”, – деб хабар берди Ички ишлар вазирлиги матбуот хизмати.

Маълум қилинишича, Ғаллаорол туманида яшовчи 18 ёшли (2007 йилда туғилган) қиз Шароф Рашидов туманида истиқомат қилувчи 19 ёшли қизни Таиланднинг Бангкок шаҳрида “мўмай даромад топишга” қизиқтирган. “Аниқроғи, фоҳишалик билан шуғулланиш ортидан кунига 350−400 доллар даромад топишини ваъда қилиб, сафар харажатларини ўз зиммасига олган”, — дейилади хабарда.

Вазирлик эълон қилган видеодан англашилишича, қиз ўзининг фоҳишаликка кетаётганини билган.

12 январь санасига Тошкент — Бангкок йўналиши бўйича авиачипталар расмийлаштирилган. Шу куни чет элга чиқиш мақсадида Тошкент халқаро аэропортига йўл олинган. Бироқ улар Жиззах вилояти ИИБ ва ДХХ ходимлари томонидан Дўстлик туманидаги Манас-14 ЙПХ масканида тўхтатилиб, процессуал тартибда ушланган.

ИИВ ҳолатнинг бошқа тафсилотларига тўхталмаган.

Ҳолат юзасидан Жиноят кодексининг 135-моддаси (Одам савдоси) 2-қисми билан жиноят иши қўзғатилган.

• ИИВ
• Жиноят
• Жиззах
• Одам савдоси
• Tailand