Сунъий интеллектнинг (АI) инсониятга таъсирини ўрганувчи компания 3 мингга яқин мутахассислар орасида сўров ўтказди. Бу орқали олимлар нейрон тармоқларнинг жорий этилиши одамлар ҳаётини қанчалик ўзгартиришини таҳлиллашган.
Респондентларнинг кўпчилиги сунъий интеллект инсониятга зарар келтирмаслигини, аксинча, одамларни математика, мусиқа, адабиёт, архитектура ва турли фанлар бўйича ажойиб ютуқларга етаклашини таъкидлаган. Айрим олимларнинг фикрича ижобий ютуқлар учун роботлар 30 фоиз тайёр. Аммо 70 фоиз тўғри ва аниқ функция ҳамда миссиялар зарур.
Шу билан бирга, иштирокчиларнинг 38 дан 51 фоизигача бўлганлари нейрон тармоқлар одамларнинг йўқ бўлиб кетишига сабаб бўлиши мумкинлигини истисно қилмади. Уларнинг таъкидлашича, бундай натижа эҳтимоли тахминан 10% ни ташкил қилади. Яна 60% мутахассислар ушбу хавфни камида 5% деб баҳоладилар.
Нейрон тармоқлари аввало нотўғри маълумот яратиш ва жамоатчилик фикрига таъсир қилиш имконияйи билан инсониятга таҳдидлари туғдириши мумкин.
Бундан ташқари, олимлар 2047 йилга бориб, машиналар ўзларига юкланган вазифаларни инсон аралашувисиз бажаришни ўрганиш имконияти 50% бўлишини тахмин қилмоқдалар. Шу билан бирга, улар одамга қараганда тезроқ ва камроқ энергия сарфлайди. “АрХиве” илмий нашрлари порталига кўра, икки йил аввал тадқиқотчилар бу янгилик 2060 йилда бўлишини башорат қилишган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!