Қозоғистонда умр кўриш давомийлиги 75 ёшдан ошди. Бу ҳақда Соғлиқни сақлаш вазирлиги раҳбари Акмарал Алназарова президент Қосим-Жўмарт Тўқаев билан учрашувда маълум қилган.

Йил бошидан буён 21 та инфекция, жумладан, коронавирус билан касалланиш даражаси камайган.

Алназарованинг сўзларига кўра, соғлиқни сақлаш инфратузилмасини ривожлантиришнинг 2025-2030 йилларга мўлжалланган стратегик режаси доирасида янги тиббиёт муассасалари қурилади.

Ўз навбатида, Тўқаев оналар ва чақалоқлар ўлими даражасини пасайтириш ҳамда беморга йўналтирилган тиббий ёрдам кўрсатишга алоҳида эътибор қаратган ҳолда соғлиқни сақлаш тизимини сифат жиҳатдан қайта қуриш бўйича вазифаларни белгилаб берди. Шунингдек, у ажратилаётган маблағлар, жумладан, дори воситалари билан таъминлашнинг шаффофлиги ва самарадорлигини таъминлаш зарурлигини таъкидлади.

• статистика