Henley & Partners дунё мамлакатлари паспортининг йиллик рейтингини эълон қилди.

Мазкур рейтинг паспорт орқали нечта мамлакатга аввалдан виза расмийлаштирмасдан бориш мумкинлигига кўра ҳисоблаб чиқилади.

Унга кўра, Ўзбекистон энг нуфузли паспортлар рейтингида 79-ўринни қайд этди. Сингапур эса рейтингда пешқадамлик қилмоқда. Сингапурликлар 195 та мамлакатга визасиз боришлари мумкин.

Шунингдек, рейтингнинг юқори ўринларини Франция, Германия, Япония, Италия, Испания, Швеция, Финляндия, Люксембург каби давлатларнинг паспорти эгаллаган бўлса, Афғонистон паспорти энг қуйи ўринда қайд этилган. Афғонистонликлар 28 та давлатга визасиз кириш имкониятига эга.

Ўзбекистонликлар 64 та давлатга аввалдан виза олмай кириб боравериши мумкин. 2023 йилда эса 59 та давлатга визасиз бораверишлари мумкин эди.

Дунё мамлакатлари рейтингида Марказий Осиё республикаларидан Қозоғистон – 67, Қирғизистон – 78, Тожикистон – 82 ва Туркманистон – 52-ўринни эгаллаган.

• Афғонистон
• Паспорт
• Singapur