Бугун, 8 март куни “Вагнер” гуруҳи асосчиси Евгений Пригожин халқаро даражада тан олинмаган Донецк Халқ Республикасидаги Бахмут (Артёмовск) шаҳрининг бутун шарқий қисми Россия назорати остига ўтганини эълон қилди.

Аввалроқ, “Вагнер” асосчиси гуруҳ жангчилари Артёмовскни амалда ўраб олгани ҳақида маълум қилганди.

"Вагнер ПМC бўлинмалари Артёмовск (Бахмут)нинг бутун шарқий қисмини эгаллаб олди. Бахмутка дарёсининг шарқидаги ҳамма нарса тўлиқ Вагнер ПМC назорати остида", – дейилади Пригожин ўз матбуот хизматининг телеграм-каналига жойлаган аудиосида.

Бахмут (Артёмовск) ДХРнинг Киев назоратидаги қисмида, йирик Горловка шаҳридан шимолда жойлашган ва Донбассдаги Украина қўшинлари гуруҳини таъминлаш учун муҳим транспорт марказидир.

Маълумот учун, “Вагнер” бу россиялик тадбиркор Евгений Пригожин томонидан ташкил этилган ва бошқариладиган ноаниқ ҳуқуқий мақомга эга Россиянинг нодавлат қуролли тузилмаси (хусусий ҳарбий компания, ПМC).

• Россия
• Украина