Киев ҳарбий маъмурияти раҳбари Тимур Ткаченко 18 январь куни тонгда Россиянинг шаҳарга қилган ҳужуми оқибатида камида тўрт киши ҳалок бўлгани ҳақида маълум қилди.

“Россия ракеталари ва дронлари ҳужумига учраган Украина пойтахтида ёнғинлар, турар жой биноси, сув таъминоти қувури ва “Лукьяновская” метро бекатига зарар етди. Портлашлардан сўнг метро бекати ёпилди”, – деган Киев мери Виталий Кличко.

Шунингдек, бугун тонгда Россия Запорожьега ҳам ракета ҳужумини амалга оширган.

Вилоятнинг ҳарбий маъмурияти раҳбари Иван Фёдоровнинг сўзларига кўра, Россия ҳужуми натижасида 10 киши яраланган, уларнинг барчаси касалхонага ётқизилган. Зарбалар оқибатида турар жой биноларига зарар етган.

“Сўнгги 24 соат мобайнида Россия қўшинлари Запорожье вилоятининг тўққизта аҳоли пунктига 241 марта турли қуроллар билан ҳужум қилди”, – дея қўшимча қилган Фёдоров.

• Birinchi jahon urushi
• Россия
• Украина