Запороже вилоятининг 3500 дан ортиқ аҳолиси Украина урушида қатнашиш учун Донетск ва Луганск халқ республикалари (ДХР ва ЛПР) қўшинлари ёки милицияларига қўшилди.

Бу ҳақда “Биз Россия билан биргамиз” ҳаракати раҳбари Владимир Рогов маълум қилди.

Унинг сўзларига кўра, ҳозирда ушбу ҳаракатга расмий шакл ва тузилма бериш ҳамда Запороже кўнгиллилари бўлинмасини шакллантириш учун ҳаракат қилинмоқда.

“Катталигига қараб, корпус бўлади”, - деди у.

Келтирилишича, Рогов иштирок этиш ҳар доим ихтиёрий бўлганини таъкидлаган.

“Бизда беш йиллик мораторий бор ва биз минтақавий даражада мажбурий чақирув бўлмаслиги ҳақида аллақачон қарор қилдик. Ҳарбий ҳаракатларда қатнашиш фақат ихтиёрий бўлади”, - деди у.

Шунингдек, Запороже вилояти ҳарбий-фуқаролик бошқармаси бошлиғи Евгений Балитский минтақада кўнгиллилар баталонларини ташкил этиш тўғрисидаги фармонни имзолаганини айтди.

Мулозимнинг сўзларига кўра, яқин кунларда кўнгиллиларни қабул қилиш бошланади. Херсон вилояти ҳарбий-фуқаролик маъмурияти раҳбари Владимир Салдо ҳам ўз минтақасида кўнгиллилар баталонларини ташкил этиш тарафдори эканини маълум қилган.

• АҚШ
• Россия
• Украина
• Zaporojye AES