Россияликларнинг деярли ярми, яъни 44 фоизи Венгрия бош вазири Виктор Орбаннинг Украинадаги вазиятни тартибга солиш бўйича яқинда олиб борган “тинчлик миссияси”ни халқаро муносабатлардаги кескинликни камайтириши мумкин, деб ҳисоблайди. Бу ҳақда Газета.ру сайтида эълон қилинган “News Mail” лойиҳаси ўқувчилари ўртасида ўтказилган сўровномада ўз тасдиғини топган.

Сўровномада қатнашганларнинг деярли ярми Орбаннинг “тинчлик миссияси” халқаро муносабатлардаги кескинликни оширишдан кўра, камайтириш эҳтимоли кўпроқ, деган фикрда.

Қайд этилишича, Россия Федерациясининг ҳар тўртинчи резиденти Орбаннинг Украинадаги вазиятни ҳал қилишда воситачилик қобилиятига ишонади.

Бундан ташқари, россияликларнинг аксарияти Орбаннинг саъй-ҳаракатлари эвазига Венгрияни Россия Федерацияси ҳамда Украина билан бирдек мулоқотни давом эттира оладиган давлат сифатида кўришмоқда.

Эслатиб ўтамиз, Венгрия бош вазири Россия ҳамда Украина ўртасидаги алоқаларини яхшилаш мақсадида 2 июль куни Киевда Украина президенти Владимир Зеленский билан гаплашди. Бир неча кундан кейин эса Москвага учиб, Россия президенти Владимир Путин билан учрашиб, Украинадаги можарони ҳал қилиш йўлларини муҳокама қилишди.

Аввалроқ, АҚШ президентининг миллий хавфсизлик бўйича ёрдамчиси Жейк Салливан Орбаннинг Украинадаги тинчликпарварлик ҳаракатлари авантюризм эканлигини айтган эди.

• АҚШ
• Россия
• Украина
• Vengriya