Германияда айнан шу мавзу юзасидан тадқиқот олиб борган олимлар самолётда алкоголь ва кабинадаги босимнинг комбинацияси ухлаб ётган йўловчиларнинг юракларига зўриқиш келтириши мумкинлигини аниқлади.
Улар, одатда, парвоз пайтида кузатиладиган паст ҳаво босимида спиртли ичимликларни истеъмол қилгандан кейин ухлаб қолса, қондаги кислород даражаси пасайиб, юрак уриши тезлашишини айтди, ҳатто соғлом ва ёш бўлганларда ҳам.
“Биз таъсир шунчалик кучли эканлигини кўриб ҳайрон қолдик. Илтимос, самолётда бўлганингизда спиртли ичимликларни ичманг”, – деди Тадқиқот ҳаммуаллифи доктор Эва-Мария Элменхорст.
“Thorah” журналида тадқиқотчиларнинг таъкидлашича, юрак муаммолари бўлган йўловчиларда кабина босимининг пасайиши туфайли симптомларнинг кучайиш хавфи ортади. Бортда тез-тез истеъмол қилинадиган спиртли ичимликлар ҳам худди шундай таъсирга эга.
Германиядаги Аэрокосмик тиббиёт институти олимлари ҳам шундай фикрда: “Самолётда спиртли ичимликларни истеъмол қилиш соғлигида муаммоси борлар учун хавф ҳисобланади, уни осонгина олдини олиш мумкин – самолётда алкоголли ичимликларни чеклаш керак”, – деди.
Тадқиқот учун спиртли ичимликларни истеъмол қилиш ва уйқунинг таъсирини хипобарик (ҳаво босими паст бўлган) муҳитда синаб кўрилди. Улар 18 ёшдан 40 ёшгача бўлган 48 кишини икки кеча давомида икки хил муҳитда – уйқу лабораториясида ва баландлик камерасида кузатишди. Иштирокчилар ётишдан олдин спиртли ичимликлар истеъмол қилди. Ёш, соғлом одамлар учиш пайтида ичишдан юракларига жиддий зарар етказмасликлари мумкин бўлсада, доктор Элменхорст кислород билан тўйинганликнинг пасайиши ва юрак уриш тезлигининг ошиши олдиндан мавжуд касалликларни янада кучайтириши мумкинлигини таъкидлади.
“Уйқу пайтида кислород билан тўйинганлик жуда паст даражага тушди. Шунинг учун, ҳатто кимдир соғлом бўлса ҳам, спиртли ичимликларни истеъмол қилмасликни тавсия қиламан”, – дейди доктор Элменхорст
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!