Ўзлари учун қулайлик яратишга мойил инсонлар ишлаб топган пулни тежаб қолиш учун уй шароитида совуқ ҳароратни таъминлаш йўлларини кашф қилишади.

Сўнгги кунларда ҳаво ҳароратининг кескин кўтарилиши кузатилмоқда. Бундай об-ҳавода имкон борича кўпроқ салқин жойларда юриш ва ҳарорати паст ичимликларни кўпроқ истеъмол қилиш тавсия этилади. Доимо қулайлик яратишга мойил инсонлар ишлаб топган пулни тежаб қолиш учун уй шароитида совуқ ҳароратни таъминлаш йўлларини кашф қилишади.

1. Оддий идиш ювиш воситасидан "музлатгич" тайёрлаш

Бунинг учун бир нечта шимгич (губка) ни намланг ва музлатгичга бир неча соат қўйинг. Улар музлатилганидан сўнг, целлофан қопчаларга солинг ва ундан кўчада маҳсулотларингизни узоқроқ сақлаш учун фойдаланинг. Шундан сўнг сув ёки музқаймоқ идишлари қизиб кетмайди. Шунингдек, ушбу музлатгичдан иссиқда тананинг қизиб кетган қисмлари - пешона, бўйин, елкага қўйиш учун қўллаш мумкин.

2. Ичимликни тез совитиш учун ҳўл сочиқдан фойдаланиш

Буни тайёрлаш учун бир марта ишлатиладиган сочиқ ёки салфеткалар энг яхшисидир. Уларни сув билан намлантиринг ва ичимликни ўраб, уни 15 дақиқа музлатгичга қўйинг. Намликнинг буғланиши совитиш жараёнини тезлаштиради.

3. Ичимликни тезроқ совитиш учун муз ва туздан фойдаланинг

Муз бўлакларини идишга солинг (қанчалик кўп бўлса, шунча яхши), камроқ миқдорда сув қуйинг ва бир ош қошиқ туз солиб аралаштиринг. Ичимлик идишини аралашмага солинг ва уни бир неча марта аралаштиринг.

Туз туфайли ҳарорат пасаяди ва эритма идишдан иссиқликни интенсив равишда олади. Ичимлик ўн даража ҳароратга совиши учун бир неча дақиқа кифоя қилади.

4. Вентиляторни кондиционерга айлантириш

Буни муз ёрдамида қилиш мумкин. Муз бўлакларини каттароқ идишга солинг ва ишлаб турган вентилятор олдига қўйинг. Ҳаво музли сувдан ўтиб, ҳарорат янада пасаяди.

5. Автомобиль эшиги ёрдамида салонни совитиш

Йўловчи томонидаги ойнани пастга туширинг, сўнгра ҳайдовчи эшигини очинг уни елпиғич каби силкитинг. Бир неча дақиқадан сўнг ҳаво салқинлашади ва иссиқ ҳарорат меъёрлашиб, озгина бўлсада, қулайликни юзага келтиради.

6. Совуқ сув учун музли идиш тайёрлаш

Ичимлик идишининг учдан бир қисмини тоза фильтрланган сув билан тўлдиринг, сўнгра уни музлатгичга қўйинг. Идиш ётқизиб қўйилиши керак. Бир неча соатдан кейин у музлайди ва унга шарбат, чой ёки қаҳва қуйиш мумкин. Девордаги муз аста-секин эрийди ва бутун ҳажмни тенг равишда совитади.

• Фойдали
• лайфхак
• қизиқарли