Khaleej Times нашри хабарига кўра, Саудия Арабистонининг Тоиф шаҳридаги “Греэн Mountain Park” боғида “360 даража” номли аттракцион одамлари билан бирга қулаб тушган.

Маълумотларга кўра, ҳодиса вақтида аттракционнинг марказий таянчи иккига бўлиниб кетган ва ундаги одамлар кучли зарба билан ерга қулаган.

Камида 23 киши тан жароҳати олган, уларнинг айримлари оғир аҳволда. Ҳодисанинг аниқ санаси ошкор этилмаган, бироқ унга оид видео лавҳалар 31 июль куни ижтимоий тармоқларда тарқалган.

Фавқулодда хизматлар зудлик билан воқеа жойига етиб бориб, қутқарув ишларини бошлаган. Ҳодисанинг сабабларини аниқлаш бўйича ҳозирда тергов олиб борилаётгани маълум қилинган.

• Саудия Арабистони