Маълумотларга кўра, Германияда ишсизлик нафақаси рекорд даражадаги 47 миллиард еврога етди.

Bild газетаси хабарига кўра, Германияда ишсизлик нафақаси (Бüргергелд) 2024 йилда рекорд даражага кўтарилиб, деярли 47 миллиард еврони ташкил этган.

“Ишсизлик нафақалари учун сарф-харажатлар сезиларли даражада ошди. 2024 йилда тўловлар 46,9 миллиард еврогача ўсди - бу 2023 йилга нисбатан тахминан тўрт миллиардга кўп. Бу янги рекорддир”, – деб ёзади нашр вазирлик жавобига таяниб.

Қайд этилишича, пуллар жами 5,5 миллион нафар нафақа олувчилар ўртасида тақсимланган, уларнинг деярли 4 миллиони меҳнатга лаёқатли аҳолига тегишли, яъни улар кунига камида уч соат ишлашлари мумкин. Ушбу имтиёздан олувчиларнинг деярли ярми (47,4%) Германия фуқаролигига эга эмас.

“Хорижий олувчилар гуруҳига бир неча юз минг украиналиклар киради. Вазирлик маълумотларига кўра, 2024 йилда уларга 6,4 миллиард евро сарфланган.

Германияда даромади кам ёки умуман бўлмаган меҳнатга лаёқатли шахслар фуқаролик нафақасини олиш ҳуқуқига эга. Бир киши учун ойлик Burgergeld тўлови 563 еврогача эканлиги билдирилган.

• Германия
• Нафақа
• ishsizlik