Украина разведкасидаги манбаларнинг хабар беришича, Россия армияси сафига жалб қилинган 18 нафар Шимолий Корея ҳарбийлари Украинанинг Брянск ва Курск вилоятлари билан чегарасидаги позицияларидан қочиб кетган.

Маълум қилинишича, бу Украина билан давлат чегарасидан 7 километр узоқликда содир бўлган. КХДР ҳарбийларининг қочиш сабаблари ҳозирча аниқланмаган.

Шунингдек, Россия ҳарбийлари уларни қидиришни бошлаган, бироқ улар бу маълумотни олий қўмондонлигидан яширишга ҳаракат қилишаётгани маълум қилинди.

Қайд этилишича, Россия армиясининг 11-алоҳида гвардия десант-штурм бригадаси негизида КХДР фуқароларидан иборат бўлган, “махсус бурят баталёни” деб номланган ҳарбий бўлинма ташкил этилган.

Разведка маълумотларига кўра, шахсий таркибнинг тахминий сони 3000 нафарни ташкил этади.

• Россия
• Shimoliy Korea
• Украина