Болливуд гўзаллари ҳар доим ташқи кўриниши ва айниқса ажойиб сочлари билан ўзига жалб қилади. Ҳиндистонлик қизлар сочларининг узунлиги ва жилоси учун фойдаланадиган энг машҳур рецептларни сизга тақдим этамиз.

1. Алоэ ўсимлигининг суюқлигидан фойдаланинг.
Уйингизда парвариш қиладиган тувак гуллари ичида алоэ бўлишини тавсия қиламиз. Чунки бу ўсимликнинг мингта ноёб хусуссияти бор. Бу ўсимликнинг суви сочингизни тезроқ ўстиришга ва бош терисини соғлом қилишга ёрдам беради.

Алоэ япроғидан бир жуфтини кесиб олинг.
Сувини соч илдизларига бош терисига суртинг. Ҳамда массаж қилоинг. Бу бош терисида қон айланишини яхшилайди ва яхшироқ сўрилишни таъминлайди.

Ниқобни бошингизда бир неча соат қолдиринг.

2. Пантенол ниқобидан фойдаланинг.
Д-пантенол синтетик витамин B5 бўлиб, ўзининг регенератив хусусиятлари билан машҳур. Шунингдек, у соч фолликулаларини тиклайди ва соч тўкилишини олдини олади. Ушбу компонент Ниохин соч маҳсулотларига киритилганлиги бежиз эмас.

Сочингизни ювгандан сўнг, пантенолни сочингизнинг бутун узунлиги бўйлаб суртинг. Пантенолни дорихонада сотиб олиш мумкин.

3. Сочингизни совуқ сув билан ювинг.
Иложи борича сочларингизни ювишда қайноқ сувлардан эмас, илиқ ва ҳатто совуқ сувдан ҳам фойдаланиб туринг. Негаки, совуқ сув бошдаги қон айланишини яхшилайди ҳамда сочларнинг тезроқ ўсишига ёрдам беради.

Сочларингизни шампунь билан ювгач бирор кондиционер ёки ниқобни қўллашни унутманг.

4. Олма сиркасидан фойдаланинг.
Соч фолликулаларини фаоллаштириш учун ойига бир неча марта сирка қўллаш кифоя. Бунинг учун сочингизни ювгандан сўнг сочларингизга кондиционер ўрнига сирка суртинг.

5. Протеинли ниқоб тайёрланг.
Протеин танқислиги билан курашиш учун сизга икки дона товуқ тухуми етади. Тухумларнинг оқларини ажратиб олинг, кўпик пайдо бўлгунча аралаштиринг ва бош терисига суртинг, илдизларда массаж қилинг.

Бу ниқоблар туфайли сочингиз сезиларли даражада ўсиши ва жиловланиши аниқ. Негаки ҳаммаси табиий маҳсулотлардан фойдаланган ҳолда тайёрланадиган муолажа ниқобларидир.

• Гўзаллик
• саломатлик