Хотин-қизлар ўз уйида тадбиркорлик қилиши учун “Даромадли аёл” дастури бошланади. Бу ҳақда президент Шавкат Мирзиёев Кўксарой қароргоҳида 8 март – Халқаро хотин-қизлар куни муносабати билан ўтказилган маросимда маълум қилди. Бу орқали лидер тадбиркорлар кўмагида касаначилик, ҳунармандчилик, паррандачилик, асаларичилик ва томорқачилик йўналишларида 50 минг аёлнинг бандлиги таъминланади. Шунингдек, жорий йилда 166 минг хотин-қиз замонавий касб ва тадбиркорликка, яна 100 минг нафари эса ахборот технологиялари соҳасига ўқитилади. Бундан ташқари, “Ҳамроҳ” дастури доирасида хотин-қизларнинг 3 мингта лойиҳасига жами 1 триллион сўм ажратилади.

Умуман, жорий йилда 1,5 миллион аёлни даромадли қилиш, шундан 400 минг нафарини бизнесга жалб этиш бўйича катта марра олинган. Ушбу мақсадлар учун 25 триллион сўмдан зиёд ресурс йўналтирилади.

• Аёллар
• Daromad
• Давлат дастури
• Президент
• Шавкат Мирзиёев
• Тадбиркорлик
• Xotin-qizlar