Америкалик журналист Такер Карлсон Украина президенти Владимир Зеленский билан интервью ҳақида келишиб олганини маълум қилди. Бу ҳақда Такер Х (аввалги Тwиттер)даги саҳифасида ёзган, дейди “Коммерсант”.
Журналистнинг жамоаси ушбу суҳбатга эришиш учун икки йил, яъни Украинадаги жанговар ҳаракатлар бошидан буён ҳаракат қилиб келган. У интервью яқин орада чиқиши мумкинлигини қўшимча қилган.
“Биз икки йил уриндик, Путин билан февралдаги интервьюдан кейин янада қаттиқроқ ҳаракат қилдик. Биз америкаликларга ўз ватанларининг дунёдаги ҳолатини бутунлай ўзгартириб юборадиган можаро ҳақидаги зарур ахборотни етказмоқчимиз”, — деб ёзган Карлсон.
Апрель ойида журналист Зеленский интервью олиш ҳақидаги унинг кўплаб сўровларини эътиборсиз қолдиргани ҳақида хабар берган эди.
Суҳбатнинг аниқ нашр санаси ошкор этилмаган. Суҳбат ёзиб олинганми ёки ҳали амалга ошмагани ҳам номаълум.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!