Тбилисида норозилик намойишлари пайтида 44 киши жароҳат олган. Бу ҳақда Грузия Соғлиқни сақлаш вазирлиги маълум қилди.

Қайд этилишича, Тбилисидаги норозилик намойишларида 44 киши, шу жумладан 27 акция иштирокчиси, битта журналист ва ички ишлар вазирлигининг 16 ходими жароҳат олган.

Намойишчиларни тарқатиш учун полиция сув қуроллари, кўздан ёш оқизувчи газ ва тутун бомбаларидан фойдаланган, бунга жавобан намойишчилар ҳуқуқни муҳофаза қилиш органларига оташинлар отишган.

Уч кеча давомида намойишларда 200 киши ҳибсга олинган.

Тбилисидаги норозилик намойишлари бугун, тўртинчи кун давом этмоқда. Улар Бош вазир Ираклий Кобахидзенинг Грузиянинг Европа Иттифоқига аъзо бўлиши тўғрисидаги музокараларни 2028 йил охиригача тўхтатиб туриш тўғрисидаги баёнотидан сўнг бошланган.

• Грузия
• Намойиш