23 октябрь куни Анқара шаҳрида содир этилган террорчилик ҳужуми ва хавфсизлик нуқтаи назаридан Ўзбекистон Республикасининг Истанбул шаҳридаги Бош консулхонаси ва Туркия ИИВ Полиция ташкилоти томонидан Туркиянинг барча ҳудудларида жамоат хавфсизлигини таъминлаш чора-тадбирлари кучайтирилганлиги ўрганилди. Бу ҳақда Истанбул Бош консулхонаси хабар берди.

Шунингдек, ватандошларимиздан жамоат жойларида ҳушёрликни оширишлари ва эҳтиёт чораларини кўришлари, айниқса аэропорт, темир-йўл вокзали, автошоҳбекат, кемалар станцияларида, метро ва бошқа жамоат транспортида хавфсизлик қоидаларига амал қилишлари сўралган.

Туркиядан чиқиб кетиш арафасида бўлган фуқароларимиздан аэропортларга учиш учун қайддан ўтиш (регистрация) вақтидан камида 1 соат олдин етиб боришлари, шубҳали буюмлар ва шахслар тўғрисида яқин орадаги полиция ёки хавфсизликни таъминлаш (Öзел güvenlik) бўлинмалари ходимларига хабар бериш тавсия этилади.

• Истанбул
• Konsullik
• Ogohlantirish
• Туркия