“Ўзбекистонда жиноят содир этгани учун халқаро қидирувга берилган А.А. Полшадан мамлакатимизга экстрадиция қилинди”, – деб хабар бермоқда “Дунё” АА.

Ўзбекистон Интерпол Миллий марказий бюроси, Ўзбекистон элчихонаси ва Полшанинг тегишли идоралари ҳамкорлигида амалга оширилган ишлар натижасида халқаро қидирувда бўлган фуқаро А.А. мазкур мамлакат ҳудудида қўлга олинди ва Ўзбекистонга қайтарилди.

А.А. Интерполнинг қизил циркуляри орқали қидирувга берилган бўлиб, у Ўзбекистон ҳудудида фирибгарлик содир этганликда айбланмоқда.

“Қонун олдида ҳамма тенг. Жиноят содир этган ҳар қандай шахс албатта жавобгарликка тортилади. Ўзбекистон элчихонаси барча фуқароларни қаерда бўлишларидан қатъий назар қонун-қоидаларга риоя қилишга чақиради”, – деб ёзилган Ўзбекистоннинг Полшадаги элчихонаси Telegram саҳифасида эълон қилинган хабарда.

• Депортация
• Фирибгарлик
• Ҳамкорлик
• Интерпол
• Ўзбекистон
• Полша
• fuqaro