Табассум одамлар эътибор берадиган биринчи нарсадир, лекин тишларингиз сиз хоҳлаганчалик оқ бўлмаса, камроқ табассум қилишга мажбур бўласиз.

Агар кундалик ҳаётдаги айрим нарсаларга эътибор қаратмасангиз, уларни яхши ҳолатда сақлашнинг иложи бўлмай қолади.

1. Газланган ва рангли ичимликлардан воз кечиш. Бу қарорингиз учун тишларингиз сизга албатта миннатдорчилик билдиради. Газланган сувдаги карбонат ангидрид тишларингизга жиддий зарар келтирмайди, лекин агар сув хушбўй ҳидли ва рангли бўлса, унда унинг кислотаси тишлардаги коррозияни кучайтиради.

2. Соя соуси мазали ва суши таъмини янада яхши қилса-да, вақт ўтиши билан тишларингизни сарғайтириши мумкин. Соя соуси тишларингизни қорайтириши ва оқартирувчи тиш пастасини самарасиз қилиши мумкин.

3. Тонгни ҳар куни иссиқ қаҳва билан бошлаш сизга сарғайган тишлар беришини унутманг. Қаҳва, қора чой ва бошқа юқори пигментли ичимликлар тишларингизни сарғайтириб, иссиқлиги билан тиш эмалингизни сезгир қилиб қўйиши мумкин.

4. Тишларингиз учун ўта кучли оқартирувчи пасталарни кўп қўлламанг. Улар ўзидаги ўткир моддалар туфайли тиш эмалини емириши мумкин. Оқибатда тишлар янада сезгир бўлиб қолади ва парчаланиш хавфи ошади.

5. Бир кунда тоза ичимлик сувини кўп истеъмол қилиш тишларингизни энг соғлом қиладиган одатлардан биридир. Кун давомида етарли миқдорда сув ичиш ҳам табассумингизни ёритишга ёрдам беради. Сув тишларда қолган бўёқларни ювади ва уларни узоқроқ оқ рангда сақлайди.

• саломатлик