16 июн куни Токиода “Гарри Поттернинг яратилиши” кўргазма-атрациони очилади, у ерга ташриф буюрувчилар Гарри Поттер ҳақидаги филмларнинг қайта ишланган қисмларини томоша қилиши мумкин.
Кўргазма “Гарри Поттер”га бағишланган дунёдаги энг катта ёпиқ жой ҳисобланади ва уни айланиб чиқиш учун тахминан тўрт соат керак бўлади.
Туристлар турли манзараларни, жумладан, Хогвартснинг катта зали, Диагон хиёбонини, тақиқланган ўрмон манзарасини ва 9 ¾ платформасини кўриши мумкин.
Шунингдек, кўргазмага ташриф буюрган инсонлар супургига миниб кўриши, Хогвартс залларида ҳаракатланувчи портретларни томоша қилиши, Хогвартс Экспресс поездига ўтириши, квиддич ўйнаши ва эсдалик совғаларни сотиб олиши ҳам мумкин.
Кўргазмага ташриф буюрувчилар дунёдаги энг катта “Гарри Поттер”га бағишланган дўкондан ташқари, Британия таомлари сотиладиган турли ресторан ва кафеларга бора олади. Масалан, овқатланиш жойларида балиқ, қовурилган картошка ва мол гўшти, инглизча нонушта, тушдан кейин чой ичса бўлади.
Кўргазма чипталарини 22 мартдан бошлаб харид қилиш мумкин. Чипта нархлари катталар учун 48 доллар, катталар билан келган 12-17 ёшли ўсмирлар учун 39 доллар, болалар учун эса 29 долларни ташкил қилади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!