34°
Кечаси 22°
Россиянинг Камчатка ўлкаси қирғоқлари яқинида юз берган зилзила оқибатида Ўзбекистон фуқаролари орасида жароҳатланган ёки вафот этганлар йўқ. Владивостокдаги бош консулхона ушбу ҳудудларда вақтинча бўлиб турган фуқароларни ФВВ кўрсатмаларига риоя қилишга ва хотиржамликни сақлашга чақирди.
Россиянинг Камчатка ўлкаси қирғоқлари яқинида юз берган зилзила оқибатида Ўзбекистон фуқаролари орасида жароҳатланган ёки вафот этганлар йўқ. Бу ҳақда Ўзбекистоннинг Владивосток шаҳридаги бош консули Юсуп Кабулжанов маълум қилди.
Бош консулхона Камчатка ўлкаси ва Сахалин вилояти ҳудудида вақтинча бўлиб турган Ўзбекистон Республикаси фуқароларини фавқулодда вазиятлар хизматлари кўрсатмаларига риоя қилишга ва хотиржамликни сақлашга чақиради.
Зарур ҳолларда Ўзбекистон фуқаролари Ўзбекистон Республикасининг Россия Федерацияси Владивосток шаҳридаги бош консулхонасига қуйидаги телефон рақамлари мурожаат этишлари мумкин:
+7(423) 260−48−00
+7(902) 078−70−07.
Эслатиб ўтамиз, Камчатка соҳиллари яқинида 30 июлга ўтар кечаси магнитудаси турли ҳисоб-китобларга кўра 8,8 га етган зилзила содир бўлди. Бу Камчатка сейсмофаол зонасида 1952 йилдан бери қайд этилган энг кучли зилзила бўлди ва эҳтимол, 2011 йил март ойидан бери содир бўлган дунёдаги энг кучли зилзила ҳисобланади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
