“Толибон” раҳбари Ҳайбатуллоҳ Охундзода Афғонистонда каноп гиёҳвандлик ўсимлигини етиштиришни тақиқлади. Бу ҳақда у имзолаган фармонда айтилган.

Ижтимоий тармоқларда эълон қилинган баёнотда мамлакатнинг барча фуқаролари учун каноп етиштириш тақиқланган. Гиёҳвандлик ўсимлиги экиш қоидалари бузилган тақдирда, уни йўқ қилишга ваъда беришди. Шу билан бирга, қонунбузарларнинг ўзлари ҳам шариат қонунлари асосида жазоланиши учун тегишли идоралар томонидан судга топширилади.

Тақиқни кузатиш ва амалга ошириш билан Толибон муваққат ҳукумати Ички ишлар вазирлиги ва тегишли муассасалар шуғулланади.

Кўкноридан кейин каноп бутун мамлакат бўйлаб афғон фермерлари томонидан энг кўп терилган гиёҳвандлик маҳсулотларидан бири сифатида ажралиб туради.

Бирлашган Миллатлар Ташкилоти ( БМТ ) ҳисоботларига кўра, 2010 йилда Афғонистон дунёдаги энг кўп наша ишлаб чиқарилган давлат бўлган.

Ўтган йилнинг апрель ойида Толибон етакчиси мулла Ҳибетуллоҳ Охундзода қарори билан алкогол, героин, наркотик таблеткалари ва наша каби моддалардан фойдаланиш, ишлаб чиқариш ва савдоси, жумладан, бутун мамлакат бўйлаб кўкнори етиштириш тақиқланган эди ва бу қоидани бузган ҳар кимга жазо қўлланилиши маълум қилинган эди.

• Афғонистон
• Гиёҳвандлик