Қозоғистон Республикаси президенти Қосим-Жомарт Тўқаев мамлакатнинг биринчи президенти Нурсултон Назарбоев кунини давлат байрамлари рўйхатидан чиқариб ташлаш ҳақидаги қонунни имзолади. Бу ҳақда бугун, 29 сентябрь куни президент матбуот хизмати хабар берди.

“Давлат раҳбари Қозоғистон Республикасининг “Қозоғистон Республикасининг айрим қонун ҳужжатларига кинематография, маданият ва байрамлар масалалари бўйича ўзгартиш ва қўшимчалар киритиш тўғрисида”ги қонунини имзолади”, — дейилади хабарда.

Таклиф этилаётган тузатишлар билан 1 декабрга тўғри келадиган Биринчи Президент куни давлат байрамлари рўйхатидан чиқарилади.

Бундан ташқари, қонун ҳужжатларига ўзгартиришлар киритилиб, 25 октябрь – Республика куни, 16 декабрь – Мустақиллик куни давлат байрами сифатида белгиланди. Илгари Мустақиллик куни миллий мақомга эга эди.
Республика куни нима дегани?

Қозоғистонда 1 декабрь Биринчи Президент куни сифатида нишонланди. У 2011-йилда ташкил этилган ва биринчи марта кейинги йилнинг шу санасида нишонланган. Бу кун тасодифан танланмаган - 1991 йил 1 декабрда Нурсултон Назарбоев биринчи халқ сайловларида Қозоғистон Президенти этиб сайланган.

1990 йил 25 октябрда Қозоғистон ССР Олий Кенгаши “Қозоғистон ССР давлат суверенитети тўғрисида”ги декларацияни қабул қилди. Мамлакатда 25 октябрь Республика куни сифатида нишонланди. 2009 йилда у давлат байрамлари рўйхатидан чиқарилди.

• Назарбаев
• Qosim-Jo‘mart To‘qayev
• Қозоғистон