Тошкент вилоятининг Бекобод шаҳрида яшовчи, 1976 йилда туғилган, муқаддам бир неча маротаба судланган шахс хорижда ишлаб чиқарилган ҳамда таркибида “сибутрамин” кучли таъсир қилувчи моддаси бўлган кофе ва бошқа маҳсулотларни сотиш билан шуғулланиши аниқланган.

Унинг “Ўрикзор” бозорида жойлашган дўкони кўздан кечирилганда жами 28 984 дона “30 Slimming”, “МАХ Slimming”, “Keto Coffee” номли маҳсулотлар сотиш мақсадида сақлаб келинаётганлиги маълум бўлган.

Ҳозирда ушбу шахсга нисбатан Жиноят Кодексининг 2511-моддаси 5-қисми билан жиноят иши қўзғатилиб, тергов ҳаракатлари олиб борилмоқда.

Яна бир ҳолатда эса Тошкент вилоятининг Зангиота туманидаги ТИР-парк ҳудудида турган хорижий давлат фуқароси бошқарувидаги юк автомашинаси салонидан “гашиш” гиёҳвандлик воситаси ашёвий далил сифатида олинган.

Ҳозирда чет эл фуқаросига нисбатан Жиноят Кодексининг 276-моддаси 1-қисми билан жиноят иши қўзғатилиб, “қамоқ” эҳтиёт чораси қўлланилган. Тергов ҳаракатлари олиб борилмоқда.

• ДХХ
• Жиноят
• Қаҳва
• savdo