“Вилоятнинг 7 та шаҳрида брутто-шартнома асосида 21 та йўналишига 170 та янги автобуслар харид қилиниши белгиланган эди”, – деб хабар берди вилоят ҳокимлиги матбуот хизмати.

Бу борада тадбиркорлар танловлар асосида аниқланиб, Ангрен шаҳридан рўйхатдан ўтган “Ангрен avto group” МЧЖ томонидан Хитой Халқ Республикасидан 15 та Ютонг русумли автобусларни банк кредити асосида харид қилиш бўйича шартнома имзоланган. Автобуслар яқин кунларда олиб келиниб, фойдаланишга топширилади.

Олмалиқ шаҳридан рўйхатдан ўтган “Олмалиқ trans service” МЧЖ томонидан ҳам 83 та автобус харид қилиш борасида Хитойнинг автобус ишлаб чиқарувчи компания билан шартномалар имзоланишга келишилган.

Мазкур харид қилинадиган замонавий автобусларда йўловчиларга автоматлаштирилган электрон тўлов тизими татбиқ этиш кўзда тутилган.

Шунингдек, автотранспортларни диспетчерлик марказига интеграция қилиш ҳамда шаҳар автобус йўналишларида автоматлаштирилган тўлов тизимини тўлиқ йўлга қўйилади.

• Автобус
• Ҳокимлик
• Импорт
• Toshkent viloyati
• Хитой