2026 йил 18–19 май кунлари Тошкент шаҳрида “Меҳнат мигрантлари ва уларнинг оила аъзоларининг ижтимоий-ҳуқуқий ҳимояси” мавзусида Халқаро миграция форуми ўтказилади.

Форум Ўзбекистон Республикаси Вазирлар Маҳкамаси ҳузуридаги Миграция агентлиги ҳамда Халқаро миграция ташкилоти ҳамкорлигида ташкил этилмоқда.

Тадбир доирасида халқаро экспертлар иштирокида пленар сессиялар, меҳнат миграцияси, гендер, ёшлар, малака ва иқлим мавзуларига бағишланган панел муҳокамалари бўлиб ўтади. Шунингдек, иш берувчилар билан тўғридан тўғри учрашувлар, матбуот анжумани ҳамда янги ҳамкорлик келишувлари режалаштирилган.

Форумда БМТ тизими, халқаро ташкилотлар, ҳукумат вакиллари, Европа ва Осиёдан иш берувчилар, экспертлар ҳамда ОАВ вакиллари қатнашади. Тадбирда 300 дан ортиқ халқаро иштирокчи иштирок этиши кутилмоқда.

Форумнинг асосий ғояси — хавфсиз, тартибли ва қонуний миграцияни барқарор тараққиёт омили сифатида ривожлантиришдан иборат.