АҚШ президенти Доналд Трамп Эрон билан тинчлик келишуви барбод бўлса, жанговар ҳаракатлар кўламини кенгайтириш билан таҳдид қилди. “Агар бирон сабабга кўра бу амалга ошмаса, бу жуда кам эҳтимолга эга бўлса-да, зарбалар шиддати мисли кўрилмаган даражага етади”, - деб ёзди у Truth Social ижтимоий тармоғида.

Трампнинг қўшимча қилишича, америкалик ҳарбий хизматчилар, самолётлар ва кемалар Теҳрон билан келишувлар амалга оширилгунга қадар минтақадаги ўз позицияларида қолади.

Чоршанба кечаси томонлар икки ҳафталик ўт очишни тўхтатишга келишиб олди. Келажакдаги келишувга Эроннинг ўнта банддан иборат режаси асос бўлиши мумкин, бу режа АҚШ томонидан ҳам маъқуллангани хабар қилинган. У, жумладан, Эрон Ислом Республикасидан санкцияларни олиб ташлаш, унга Ҳормуз бўғози устидан назоратни бериш, уранни бойитиш ҳуқуқини таъминлаш, шунингдек, барча жабҳаларда ҳужум қилмаслик ва жангларни тўхтатиш, жумладан, Исроилнинг “Ҳизбуллоҳъга қарши операциясини ҳам ўз ичига олади.

ЦАХАЛ эса Ливанга кучли зарба берди, натижада сўнгги маълумотларга кўра, 250 дан ортиқ киши ҳалок бўлди.

• АҚШ
• Eron
• Isroil
• Tehron
• Трамп