АҚШ, Исроил ва Эрон ўртасидаги кескинлик ортидан кенг кўламли талафотлар қайд этилди.

Эрон суд-тиббиёт ташкилоти раҳбари Аббос Масжеди Арани маълум қилишича, мамлакат бўйлаб амалга оширилган ҳужумлар оқибатида 3 мингдан ортиқ киши ҳалок бўлган.

Қурбонларнинг қарийб 40 фоизининг шахси аниқланмаган.

Томонлар ўртасида икки ҳафталик ўт очишни тўхтатиш бўйича келишувга эришилгани билдирилмоқда. Мазкур келишув Эрон томонидан илгари сурилган 10 банддан иборат режа асосида шаклланиши мумкин. Режада санкцияларни бекор қилиш, уранни бойитиш ҳуқуқи ҳамда ҳарбий ҳаракатларни тўхтатиш каби масалалар ўрин олган.

Шу билан бирга, Эрон парламенти спикери Моҳаммад Бақер Ғолибоф АҚШни келишувнинг айрим бандларини бузганликда айблади. Хусусан, Пентагон раҳбари Пит Хагест Эрон уранни ихтиёрий топширмаган тақдирда, уни куч ишлатиш йўли билан қўлга киритиш эҳтимоли мавжудлигини инкор этмади.

Бундан ташқари, Исроил мудофаа кучларининг Ливан ҳудудига берган зарбалари оқибатида 250 дан ортиқ киши ҳалок бўлгани хабар қилинмоқда.

Шунга қарамай, Эрон ва АҚШ ўртасидаги музокаралар жараёни тўхтатилмаган. Навбатдаги учрашув 10 апрель куни Исломобод шаҳрида ўтказилиши режалаштирилган.

• АҚШ
• Isroil