Исроил мудофаа армияси Теҳрондаги ҳарбий объектларга зарба берилганини маълум қилди. “Исроил мудофаа армияси ҳозирда Теҳрон ҳудуди бўйлаб Эрон режимининг ҳарбий инфратузилмасига зарбалар бермоқда”, - дейилади армия матбуот хизмати хабарида. Шунингдек, Трамп Харг оролини босиб олиб, Эрон нефтини қўлга киритиши мумкинлигини айтди.

“Балки Харг оролини олармиз, балки йўқ. Бизда кўплаб вариантлар бор. Бу, шунингдек, у ерда бир муддат қолишимизга тўғри келишини ҳам англатади”, – дейди АҚШ раҳбари.

АҚШ ва Исроил 28 февраль куни Эрон ҳудудидаги, жумладан, Теҳрондаги объектларга зарба бера бошлади, вайронагарчиликлар ва тинч аҳоли вакилларининг ҳалок бўлгани ҳақида хабарлар тарқалди. Эрон Исроил ҳудудига, шунингдек, Яқин Шарқ минтақасидаги АҚШ ҳарбий объектларига жавоб зарбаларини бермоқда.

• АҚШ
• Eron
• Isroil
• Tehron
• Трамп