“Инсон саломатлигида уйқунинг аҳамияти юқори. Чунки кун давомида йўқотилган энергия захиралари айнан унинг ёрдамида қайта тикланади”, - дейди тиббиёт фанлари номзоди Феруза Тоҳирова.

Уйқудан аввал узоқ вақт телевизор кўриш, компьютерда ишлаш, планшет ёки телефондан фойдаланиш уйқу сифатига салбий таъсир қилади. Оқибатда бош мияда мелатонин гормони ишлаб чиқарилиши камаяди. Мелатониннинг қисқариши эса тунда кортизол гормони миқдорини оширади.

Бу ҳолат:
- қонда қанд ва ёғларнинг ортиши;
- семизлик;
- қандли диабетнинг 2-тури;
- қон босими ва бошқа юрак-қон томир касалликлари;
- депрессия;
- иммунитетнинг пасайиши;
- тез-тез шамоллаш;
- мия фаоллигининг сусайиши;
- жигарни ёғ босиши каби муаммоларга олиб келиши мумкин.

Энг яхши уйқу вақти соат 23:00 дан 06:00 гача.

• Касаллик