Туркиянинг кучли зилзиладан жабр кўрган 10 та вилоятидаги 41 мингта бино бузиб ташланади. Бунга биноларнинг тўлиқ ёки қисман вайрон бўлгани, шунингдек яшаш учун яроқсиз ҳолатга келиб қолгани сабаб сифатида кўрсатилмоқда.

"Биз зилзиладан жабр кўрган вилоятларда вайрон бўлган ёки бузиб ташланиши талаб этиладиган 41 791 та бинони аниқладик, ушбу бинолар яшаш учун яроқсиз ҳолатга келиб қолган" – деди Шаҳарсозлик ва атроф-муҳит вазири Мурат Курум Ғозиантеп шаҳрида ўтказилган брифинг вақтида.

Сиёсатчининг айтишича, 10 та вилоятдаги барча биноларнинг ҳолатини баҳолаш жараёни жорий ҳафта сўнгигача якунланади.

Қурилиш ишлари эса февраль ойининг охирларида бошланиши режа қилинган.

• Жаҳон
• Туркия
• Зилзила
• хабар