Будапешт ва Ашхобод Венгрияга туркман газини етказиб бериш бўйича сиёсий келишувни имзолади. Бу ҳақда Венгрия ташқи ишлар вазирлиги раҳбари Петер Сиярто ўзининг видеомурожаатида маълум қилди.

“Туркманистон томонидан Венгриянинг туркман газини Европага потенциал етказиб бериш йўналишларидан бири ва транзит мамлакатлардан бирига айланиши учун сиёсий иродаси ва сиёсий нияти аниқ. Сиёсий келишув тузилди, энди навбат компанияларга тижорий музокараларни давом эттиришга етди”, – дея “Интерфакс”дан иқтибос келтирган Сиятро.

Туркманистон президенти Сердар Бердимуҳамедов кеча, 20 август куни Будапештда Венгрия Бош вазири Виктор Орбан билан учрашди.

Туркманистон оммавий ахборот воситаларининг ёзишича, сиёсий-дипломатик, энергетика, саноат ва транспорт-коммуникация соҳалари ҳамда спорт соҳаларида ҳамкорликни ривожлантиришга алоҳида эътибор қаратилди.

• Газ
• Туркманистон
• Vengriya