Ушбу санкциялар умумий ҳисобда 147 нафар жисмоний ва 303 нафар юридик шахсларга қаратилган. Ҳужжатларга кўра, санкциялар 10, 5 ёки 3 йил муддатга - Россия, Кипр, Швейцария, Буюк Британия, Ўзбекистон ва Беларус, Германия, Австрия фуқароларига нисбатан қўлланилган.

Украина чекловлари санкцияга тушганларнинг активларини блокировка қилиш, лицензияларини бекор қилиш, Украина ҳудудида транзит ва савдо операцияларини чеклаш, хусусийлаштириш ва давлат харидларини тақиқлашни ўз ичига олган.

Рўйхатда асли ўзбекистонлик олигарх Алишер Усмоновнинг USM компаниялар гуруҳи топ-менежерлари — Нозим Эфендиев, Вахтанг Кочаров ва Валерий Казикаев, шунингдек, Усмоновнинг рафиқаси Ирина Винернинг ўғли Натан Винер ҳам жой олган.

Маълумотларга кўра, Россия президенти маъмуриятига яқин бўлган бир неча шахслар санкциядан жой олган. Шунингдек, рўйхатда Россия, БАА, Ўзбекистон, Кипр, Туркия, Хитой ва Малтанинг қатор компаниялари бор.

Санкциялар рўйхатига: косметика ишлаб чиқарувчи Faberlic, қандолат фабрикалари Rot Front, Red October, Babayevskiy, Guta group, Lennord қурилиш компанияси, Positive group ва бошқалар киритилган.

Чекловлар Алишер Усмонов бизнес империяси фирмаларидан: MegaFon, Metalloinvest, USM Telecom, цемент заводлари ва Усмоновнинг USM холдингидаги шерикларига тегишли бошқа компанияларга ҳам қаратилган.

• Алишер Усмонов
• Россия
• Украина