Жорий йилнинг январь ва февраль ойларида халқаро ҳамкорлар Украинага бюджет ёрдами сифатида 6,3 миллиард доллар ўтказдилар. Бу ҳақда пайшанба куни Олий Рада депутати Ярослав Железняк маълум қилди.

"Февраль ойида бизнинг бюджетимизга халқаро ёрдам 75,6 миллиард гривнани (2 миллиард доллар) ташкил этди. 2023 йилнинг икки ойи ичида биз аллақачон 230,8 миллиард гривна (6,3 миллиард доллар) олдик", деб ёзди у Теlegram- каналида.

Депутатга кўра, Киев Европа Иттифоқидан 3,2 миллиард доллар, АҚШдан 2,2 миллиард доллар ва Буюк Британиядан 498 миллион доллар олган.

Аввалроқ Украина бош вазири Денис Шмихал Forbes журналининг Украина нашрига берган интервьюсида бу йил бюджет тақчиллиги 38 миллиард долларни ташкил этганини маълум қилган эди. У Европа Иттифоқидан 18 миллиард доллар миқдоридаги макромолиявий ёрдам аллақачон ажратилганига аниқлик киритган эди. Сентябргача мамлакат АҚШдан 10 миллиард доллар олиши кераклигини эълон қилди. Шунингдек, Норвегиядан беш йил давомида 7,5 миллиард доллар, бу йил Канададан 1,5 миллиард доллар ва бошқа мамлакатлардан кичикроқ кредитлар ажратиш бўйича келишувлар ҳам бор. Унинг сўзларига кўра, барча келишувларни ҳисобга олган ҳолда, дефицитни ёпиш учун Украинага яна 5 миллиард долларга яқин маблағ керак бўлиб, у Халқаро валюта жамғармасидан олиниши режалаштирилган.

• Моддий ёрдам
• Украина
• Уруш