Украина мудофаа вазири ўринбосари Анна Маляр Украина қўшинлари Донецк вилоятининг Авдийивка шаҳри яқинидаги Опйтне қишлоғининг бир қисмини озод қилганини маълум қилди.

Украина аскарларининг Авдийивка шаҳри яқинидаги Опйтне қишлоғида олдинга силжиш бўлганини ифода этган Маляр, "Мудофаа кучларимиз бу аҳоли пунктининг бир қисмини озод қилди" деди.

Унинг айтишича, украиналик аскарлар ўтган ҳафтада Донецк вилоятидаги Новомаёрске яқинида қисман муваффақиятга эришиб, қўлга киритган позицияларига жойлашган.

Баҳмут йўналишида Клишийивка ва Андрийивка яқинида қўшиннинг муваффақиятга эришганига эътибор қаратган Украина мудофаа вазири ўринбосари, мамлакат армияси рус аскарларини бу аҳоли пунктларидаги позицияларидан қайтарганини ва олдинга силжганини қайд этди.

Маляр, ўтган ҳафта Баҳмут йўналишида яна 2 квадрат километр майдоннинг қутқарилганини маълум қилиб, шу кунгача бу йўналишда қутқарилган умумий майдоннинг 49 квадрат километр эканлигини таъкидлади.

Шунингдек, у Украина армиясининг жанубдаги Роботино ва Вербове аҳоли пунктларида муваффақият билан олдинга силжганини ифода этиб, Украина аскарларининг ўтган ҳафта жанубда 1,5 квадрат километрлик майдонни озод қилганини ҳам маълум қилди.

• Россия
• Украина
• ozodlik