Россия жанубдаги муҳим шаҳардан тўлиқ чиқиб кетганини эълон қилди.

Ижтимоий тармоқда эълон қилинган видеода маҳаллий аҳоли украиналик аскарларни Херсонда хурсандчилик билан кутиб олишгани акс этган.

Видеода маҳаллий аҳолининг кўчаларда Украина давлат байроғини кўтариб, Киев қўшинлари етиб келган чоғида қўшиқ айтаётгани акс этган.

Бундан ташқари мамлакат президенти Владимир Зеленский Херсон “Украина шаҳри” эканини айтган.

Херсон феврал ойидаги босқиндан кейин Россия томонидан босиб олинган ягона минтақавий пойтахт эди.

Келтирилишича, чекиниш урушнинг энг катта муваффақияцизликларидан бири сифатида кўрилган.

Москва ҳудуддан 30 минг ходим, шунингдек, 5 мингга яқин ҳарбий техника, қурол-яроғ ва бошқа мол-мулк олиб чиқиб кетилганини айтди.

Маълумотларга кўра, Украина қўшинлар Днепр дарёсининг ғарбий қирғоғигача олдинга силжиган.

Бундан ташқари дарёнинг асосий ўтиш жойи - Антонивский кўприги қисман қулаган, лекин қандай қилиб зарар етказилгани номаълумлигича қолмоқда.

Шунингдек, Херсонни эгаллаб олган рус қўшинлари дарёнинг шарқий томонида янги позицияларни эгаллаши тахмин қилинмоқда.

Президент Зеленский кечки мурожаатида Херсон аҳолиси “кутаётганини” ва “Украинадан ҳеч қачон воз кечмаганини” айтган.

• Россия
• Украина
• Херсон