Россия Telegram саҳифаларининг хабар беришича, портлаш овозлари “Горбунов” номидаги авиация заводи ва яқин атрофдаги “Борисоглебское” аэродроми ҳудудида эшитилган.

Россия Мудофаа вазирлиги душанбага ўтар кечаси мамлакатнинг етти ҳудудида 31 та украин дрони уриб туширилганини эълон қилган. Қайд этилишича, улардан фақат биттаси – Татаристон ҳудудида уриб туширилган. Дронлар ҳужуми вақтида Қозон, Нижнекамск ва Ижевск аэропортлари вақтинчалик рейсларни қабул қилиш ва жўнатишни тўхтатган.

“Ҳаво порти вақтинча рейсларни қабул қилмайди ва жўнатмайди. Самолёт экипажлари, ҳаво ҳаракатини бошқариш ва аэропорт хизматлари парвозлар хавфсизлигини таъминлаш учун барча зарур чораларни кўрмоқда – бу устувор вазифа”, – деган Росавиатсия вакили Коренако.

“Горбунов” номидаги Қозон авиация заводи Россиянинг йирик авиация саноати корхоналаридан бири ҳисобланади. Ушбу заводда Ту-160 стратегик ракета ташувчи самолётлари ва узоқ масофага мўлжалланган Ту-22М3М, Ту-22М3 бомбардимончи самолётлари ишлаб чиқарилади.

• Havo hujumi
• Россия
• Украина
• авиация
• дрон