33°
Кечаси 20°
Украина Хавфсизлик хизмати (УХХ) россиялик тадбиркор Алишер Усмоновга тегишли эканлиги тахмин қилинган 2 миллиард гривна (тахминан 54,35 миллион доллар) қийматидаги темир рудаси жўнатмасининг ҳибсга олинганини маълум қилди.
“Украина Хавфсизлик хизмати терговчилари билан биргаликда олиб борилган тергов-тезкор тадбирлари натижасида 160 минг тоннадан ортиқ Украина темир рудаси сақланган Россия Федерациясининг ер ости омборлари жойлашуви топилди. Аниқланишича, топилган темир жавҳари партияси Кремл олий ҳарбий-сиёсий раҳбариятининг яқин доирасига кирувчи россиялик олигарх Алишер Усмонов компаниясига тегишли”,– дейилади УХХ департаментнинг Теlegram-каналида эълон қилинган баёнотда.
УХХ маълумотларига кўра, хомашё Украинанинг бир нечта денгиз портлари ҳудудидан топилган, унинг умумий қиймати деярли 2 миллиард гривнани ташкил қилади.
Махсус хизматнинг хабар беришича, ҳибсга олинган мол-мулк олиб қўйилган ва уни Коррупсия ва бошқа жиноятлар натижасида олинган мол-мулкни аниқлаш, қидирув ва бошқариш миллий агентлигига топшириш масаласи ҳал қилинмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
