Украинадаги можаро нафақат Россиянинг, балки турли давлатларнинг “империя манфаатларини” ўз ичига олади. Бу ҳақда Рим папаси Франсиск “La Repubblica” газетасига берган интервьюсида айтиб ўтди.

“У ерда нафақат Россия, балки бошқа мамлакатлар ҳам императорлик манфаатларига алоқадор. Бу халқларни суриб чиқариш руҳида амалга оширилади”, – деди у.

Понтифик Украина можаросини “ҳозирги жаҳон уруши” деб атади. Унга кўра, жангларда “барча йирик давлатлар” иштирок этмоқда, ушбу мамлакат эса “жанг майдони”га айланган. Рим папаси, шунингдек, қурол ишлаб чиқариш ва етказиб беришни ҳам қоралади.

Рим папаси Россия президенти Владимир Путин билан учрашиш истагини тасдиқлади ва уни “маданиятли одам” деб атаган.

Аввалроқ Рим папаси Россия ва Украинани ҳарбий ҳаракатларни тўхтатиб, бир неча бор музокаралар столига ўтиришга чақирган эди. Агар 2022 йил сентябрь ойида Рим папаси Украинага мамлакат мудофааси учун қурол етказиб беришни "маънавий жиҳатдан мақбул" деб ҳисоблаган бўлса, январь ойида у Киевга танкларнинг юборилишини танқид қилган эди.

18 декабрь куни ABC телеканалига берган интервьюсида Франсиск Украинадаги жанглар жаҳон уруши эканлигини эълон қилган ва “кўп қўллар уруш қозонига аралашаётганини” таъкидлаган.

• Rim papasi
• Россия
• Украина