Украинанинг Харков вилоятидаги Коротич посёлкасида ерости бошпана мактаби қурилиши бошланди. Бу ҳақда вилоят ҳарбий маъмурияти раҳбари Олег Синегубов ўзининг Телеграм каналида маълум қилган.

Унинг сўзларига кўра, бу аслида ерости мактаби бўлиб, у ерда болалар хавфсиз бўлишлари ва ўрганишлари мумкин. Хона талабалар ва ўқитувчилар билан биргаликда 500 кишини сиғдира олади. Бундай мактабни қуриш учун тахминан 99,1 миллион гривна (2,7 миллион доллар) керак бўлади.

Синегубовнинг сўзларига кўра, ерости бошпанаси бир нечта хоналар, санитария хоналари, учта чиқиш жойлари ва автоном электр таъминоти билан жиҳозланган. Бундай мактаб с-300 ракетаси ва бошқа ўқ-дориларнинг тўғридан-тўғри зарбасига бардош бера олади.

Харков мери Игор Тереховнинг айтишича, ушбу лойиҳа хавфсизлик соҳасидаги вазият туфайли пайдо бўлган.

"Бундай бошпана минглаб харковлик болаларни ҳатто ракета таҳдидлари пайтида ҳам хавфсиз равишда юзма-юз ўқитишни давом эттиришга имкон беради”, дейилади хабарда.

• Мактаб
• Россия
• Украина
• Уруш