Қайд этилишича, Умра зиёратини ташкил этиш ва ўтказишга оид туризм хизматларини кўрсатмоқчи бўлган тақдирда, лицензия талабгори 100 минг АҚШ доллари эквивалентидан кам бўлмаган миқдордаги маблағларни Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Туризм қўмитасининг Хавфсиз туризм жамғармаси учун очилган банк реквизитига захира қилиши керак бўлади.

"Ҳурматли юртдошлар, Умра зиёратига боришда махсус лицензияга эга бўлмаган туроператорлар хизматидан фойдаланишда огоҳ бўлишни ва кейинчалик турли хил кўнгилсиз ҳолатларга тушиб қолмаслик учун лицензияга эга бўлган туроператорлар билан ҳамкорликда ишлашни тавсия этамиз", дейилади қўмита хабарида.

Мазкур рўйхатда туроператорлар ишлаш сифати бўйича сараланган. Рейтингда мижозларнинг турфирма ходимлари тажрибаси ҳамда муомала маданиятидан, зиёрат ҳақида маълумотларни тўлиқ тақдим этишидан, дастур амалда тўлиқ бажарилиши талабларидан келиб чиқиб тузилган.

• Қарор
• Умра
• Зиёратгоҳ