Бугун об-ҳаво ноқулай бўлишига қарамай минглаб спорцевар ҳамюртларимиз “Ҳумо арена” мажмуаси олдидаги майдонда Тошкент халқаро марафонида иштирок этиш учун жам бўлишди. Бешинчи бор ташкил этилган мазкур мусобақада 34 мамлакатдан ташриф буюрган спортчилар ғолиблик учун беллашдилар. Яна бир аҳамиятли жиҳати, бир вақтнинг ўзида Республикамизнинг барча вилоятларида “Янги нафас” оммавий югуриш мусобақаси ҳам ўтказилди.

Мусобақанинг очилиш маросимида расмийлардан Ўзбекистон Республикаси Президенти ҳузуридаги хавфсизлик кенгаши котиби, Ўзбекистон триатлон федерацияси раиси Виктор Маҳмудов, Ёшлар сиёсати ва спорт вазири Адҳам Икрамов, МОҚ Бош котиби Ойбек Касимов иштирок этишди. Мутасаддилар мусобақани очиқ деб эълон қилишар экан, бу каби оммавий спорт тадбирларининг ташкил этилиши Президентимиз илгари сураётган соғлом турмуш тарзи тарғиботини кучайтириш, аҳоли саломатлигини мустаҳкамлашда муҳим аҳамият касб этишини таъкидлашди.

• Марафон
• Тошкент
• musobaqa