Вашингтон Украинага 275 миллион долларлик навбатдаги ёрдам пакетини эълон қилди. АҚШ президенти Жо Байден тегишли фармонни имзолаган.
Маълум қилинишича, Оқ уй Киевга молиявий ёрдамдан ташқари ҳаво ҳужумидан мудофаа тизимлари, учувчисиз қурилмаларга қарши жанг қилиш воситалари ва артиллерия снарядлари, жумладан HIMARS залп ўт очиш реактив тизимлари учун ракеталар юборади.
"Мен бугун Украинага тез орада 275 миллион долларлик янги ёрдам пакети юборилишини эълон қилишдан мамнунман", – деди АҚШ Миллий хавфсизлик кенгашининг стратегик алоқалар бўйича координатори Жон Кирби.
Аввалроқ, Пентагоннинг расмий вакили Сабрина Сингх АҚШ Украинага ҳарбий ёрдам кўрсатишда давом этишини тасдиқлаганди. "Биз Россия билан уруш қилмоқчи эмасмиз. Аммо Украинанинг ўзини ҳимоя қилиш имкониятини таъминлаймиз", – деган эди сиёсатчи.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!