Учрашувда давлат раҳбари асосий эътиборни Россия ҳарбий тажовузини тўхтатиш ва тинчликни тиклашга қаратди. Бу ҳақда Украина президентининг расмий сайти хабар бермоқда.

“Адолатли тинчликка эришишнинг аниқ ва реал алгоритми Украина тинчлик формуласида белгиланган”, – дейди Зеленский.

У Рим папаси Францискдан тинчлик формуласини амалга ошириш, хусусан, озиқ-овқат хавфсизлиги, маҳбуслар, депортация қилинганларни озод қилиш ва адолатни тиклаш масалаларида ҳар томонлама кўмаклашишни сўради.

Унинг фикрича, уруш Украина ҳудудида кетаётгани учун тинчлик режаси фақат Украина бўлиши мумкин.

Володимир Зеленский Папани Россиянинг Украинага қарши ҳарбий тажовузини аниқ қоралашга чақирди ҳамида қурбон ва тажовузкор ўртасида тенглик бўлиши мумкин эмаслигини таъкидлади.

Учрашувнинг алоҳида мавзусини украиналик болаларни Россия Федерациясига ўғирлаш ва депортация қилиш билан боғлиқ жиноятлар ташкил этган.

Шунингдек, Володимир Зеленский Россия терроридан азият чекаётган барча украиналикларни дуо билан қўллаб-қувватлаш ва мамлакат тупроғига кириб келаётган ёвузликка қарши курашиш учун Рим папаси Францискни Украинага таклиф қилди.

• Россия
• Сиёсат
• Украина