Манбаларга кўра, Туркиянинг “Истанбул Башекшеҳир” жамоаси ҳамюртимиз Аббосбек Файзуллаев трансфери учун бўлган тўловни Россиянинг ЦСКА клубига ўтказиб берди.

Натижада, Файзуллаев турк жамоаси сафида майдонга тушиш ҳуқуқини қўлга киритди.

Маълумки, бунгача ўзбекистонлик ҳужумкор ярим ҳимоячи эски жамоасининг ҳисоб рақамига ўзининг трансфери учун тўлов келиб тушмаганига янги клуби сафида ўйнай олмаётган эди.

Эндиликда, истанбулликлар футболчи майдонга тушиши учун зарур бўлган халқаро сертификатни қўлга киритди ва бўлажак беллашувларда Файзуллаевнинг хизматларидан бемалол фойдаланиши мумкин бўлади.

• Аббосбек Файзуллаев
• Истанбул
• Трансферлар
• Туркия