Каталонияликлар мураббийи Европа лигасида иштирок этиши ҳақида гапирди.

“Барселона”ни бошқараётган 42 ёшли испаниялик мутахассис Хави Каталония клубининг Чемпионлар лигасидаги натижаларини гуруҳ босқичи якунида “Виктория Плзен” билан меҳмондаги ўйинни (4:2) сарҳисоб қилди.

“Чемпионлар лигаси гуруҳ босқичидаги ишимизга баҳо? Салбий. Плей-оффга чиқиш учун имкониятларимиз бор эди, ҳаммаси ўзимизга боғлиқ эди, аммо муваффақияцизликка учрадик, ўз имкониятларимиздан фойдалана олмадик. Энди биз Европа лигасида фаворитмиз – бу ажойиб мусобақа ва биз унда ғалаба учун курашамиз.

“Виктория” билан учрашувнинг биринчи бўлимида ўйинимиз менга ёқди. Бироқ, биз жуда кўп голли вазиятларни қўлдан бой беряпмиз. Ҳимояда биз учун одатдагидан қийинроқ бўлди. Ҳужумдаги ўйинимизни яхши баҳолаш мумкин”, – дея Хавининг сўзларидан иқтибос келтирмоқда УЕФА матбуот хизмати турнирнинг расмий сайтида.

Эслатиб ўтамиз, олти ўйинда етти очко жамғарган “Барселона” “C” гуруҳида учинчи ўринни эгаллади. “Интер” (10) ва “Бавария” (18) олдинда эди. “Виктория” бирорта ҳам очко ололмади.

• Барселона
• Футбол
• Хави
• Европа Лигаси