ХХР раиси Си Цзиньпин президент Владимир Путин билан музокаралар олиб бориш учун давлат ташрифи билан Москвага келди.

Хитой раҳбари бўлган самолёт “Внуково-2” халқаро аэропортига қўнди.

Хитой раҳбари Россия Федерацияси Президентининг таклифига биноан 20-22 март кунлари Россияда бўлади. Ташриф унинг учинчи муддатга давлат раҳбари этиб қайта сайланганидан кейинги хорижга илк сафари бўлади.

Пекин бўлажак ташриф икки давлат ўртасидаги ўзаро ишончни мустаҳкамлашини кутмоқда. Хитой Ташқи ишлар вазирлиги матбуот котиби Ван Венбиннинг сўзларига кўра, у икки томонлама муносабатлар ривожига янги суръат бағишлайди.

Давлат раҳбарлари Россия ва Хитой ўртасидаги шериклик ва ҳамкорликни янада ривожлантириш масалаларини муҳокама қилади. Қайд этилишича, қатор муҳим икки томонлама ҳужжатлар имзоланади.

• Россия
• Хитой