Хитой савдо тармоқлари билан тижорат қиладиган тадбиркорлар учун яхши янгилик. Хитойнинг “YTO Cargo Airlines” авиакомпанияси Ўзбекистонга мунтазам юк қатновларини йўлга қўймоқда. Авиакомпания вакиллари Uzbekistan Airports компанияси раҳбарияти билан жорий йилнинг 3 июнь куни бўлиб ўтган музокараларда шундай ният билдирган.

“Юк ташувчининг Тошкент халқаро аэропортига биринчи парвози 2024 йил 6 июнь куни, Хитойнинг “Cомаc” компанияси томонидан ишлаб чиқарилган янги турдаги АРЖ21-700 самолётида амалга оширилиши режалаштирилган”, – дейилади хабарда.

Аввалроқ “YTO Cargo Airlines” авиакомпанияси Boeing 757 самолётларида Тошкентга чартер рейсларини амалга оширган эди.

“YTO Cargo Airlines” Хитойнинг юк ташувчи авиакомпанияси бўлиб, бош қароргоҳи Ханчжоуда жойлашган.

• Авиақатнов