Қирғизистон ва Қозоғистон мусулмонлари диний идоралари 2027-йилги Рамазон ойи 8-февралда бошланишини прогноз қилди. Бу ҳақда 24.кг хабар берди.

Қозоғистон мусулмонлари диний бошқармаси эълон қилган тақвимга кўра, Рамазон ҳайити 9-март куни нишонланиши кутилмоқда. Қадр кечаси эса 5-мартдан 6-мартга ўтар кечага тўғри келиши прогноз қилинган. Қурбон ҳайити 16–18-май кунларига белгиланган.

Диний бошқарма маълумотига кўра, ҳижрий ойларнинг бошланиши халқаро астрономик тадқиқотлар марказлари маълумотлари асосида ҳисоблаб чиқилади. Бироқ диний саналар янги ойнинг кўринишига қараб бир кун олдинга ёки кейинга сурилиши мумкин.

Қирғизистон муфтияти ҳам Рамазон ойи 2027-йил 8-февралда бошланишини кутмоқда. Мамлакатда рўза бошланадиган аниқ сана эса ой яқинлашганда расман эълон қилинади.